2018 ගෝලීය නායකත්ව සම්මාන උළෙල ( Global Leadership Award 2018) පසුගිය ජූලි 25 වැනිදා මැලේසියාවේ ක්වාලාලම්පුර් නුවරදී අති උත්කර්ශවත් අන්දමින් පැවැත්වුණි. එහිදී ශ්‍රී ලංකාවේ කර්මාන්ත හා වාණිජ කටයුතු අමාත්‍ය රිෂාඩ් බදියුදීන් මහතාට වෙළදාම සංවර්ධනය පිලිබඳ ගෝලීය නායකත්ව 2018 සම්මානය පිරිනමනු ලැබිය.
ලොව පිළිගත් සුප්‍රකට සම්මාන උළෙලක් වන මෙම ගෝලීය ගෝලීය නායකත්ව සම්මාන 2018 උළෙල මෙවර පැවැත්වුනේ 8 වැනි වරටය. මෙම සම්මාන උළෙල සඳහා ලෝකය පුරාම විහිදී පැතිරී සිටින සභාපතිවරුන්, ප්‍රධාන විධායක නිලධාරීන්, ප්‍රධාන මුල්‍ය නිලධාරීන්, දේශපාලන හා ප්‍රජා නායකයින්, ක්‍රීඩා නායකයින් මෙන්ම විවිධ සංවිධාන වල ප්‍රධාන පෙලේ නායකයින් දහස් ගණනක් සේවා අංශ 30ක් යටතේ නාමයෝජනා නිර්දේශ ඉදිරිපත් කර තිබුණි. එයින් වෙළඳ සංවර්ධන ක්ෂේත්‍රය යටතේ පිරිනමනු ලබන ගෝලීය නායකත්ව 2018 සම්මානය සඳහා නිර්දේශ වුයේ අමාත්‍ය රිෂාඩ් බද්යුදීන් මහතාය.
මෙම සම්මාන උළෙලේ නායකත්ව විශ්චය මණ්ඩලයේ ගුරු ලෙස සැලකෙන ආතර් එෆ් කාමස්සි (Arthur F. Carmazzi) මහතා අමාත්‍ය රිෂාඩ් බදියුදීන් මහතාට සම්මානය පිරිනැමීම ආශ්‍රිතව මෙසේ සඳහන් කළේය.
අපගේ ජාත්‍යන්තර විනිශ්චය මණ්ඩලය විසින් සිදු කරන ලද අපක්ෂපාති ඇගයීම් මගින්, අප තේරුම් ගත්තා අමාත්‍ය රිෂාඩ් බදියුදීන් මහතා තම අමාත්‍ය තනතුර තුලින් ශ්‍රී ලංකාවේ වෙළඳ, වානිජ සංවර්ධනය උදෙසා තම ආයතන පද්ධතිය තුල නිසි නායකත්වය හා මාර්ගෝපදේශනය ලබා දෙමින් ඒ ඒ ක්ෂේත්‍ර සඳහා සුදුසුම නායකයින් තෝරා ගෙන එම ආයතන සංවර්ධනය සඳහා කර තිබෙන මෙහෙවර ගැන. එහි ප්‍රබලතාව තුල ආයතන පද්ධතිය සංවර්ධනය වීමත්, එමගින් ආර්ථික සංවර්ධනය ඇතිවී රටේ ජාතික සංවර්ධනය ගොඩ නැංවි ඇති බව. ඒ වගේම පුද්ගල සංවර්ධනය තුලින් නිසි නායකත්වය ලබාදී තිබෙන බව අප නිරීක්ෂණය කළා
මෙම සම්මාන උළෙල වාර්ෂිකව සංවිධානය කරනු ලබන්නේ ගෝලීය නායකයින් ලොවට හඳුන්වාදීම සඳහාය. එය සංවිධානය කරනු ලබන්නේ The Leaders International ඉහල පෙලේ ජාත්‍යන්තර නායකත්ව සඟරාව සහ ඇමෙරිකානු නායකත්ව සංවර්ධන සංගමය American Leadership Development Association (ALDA) ඇතුළු ඇමෙරිකානු නායකත්වය පිලිබඳ රාජ්‍ය නොවන සංවිධාන ජාලය මගිනි.
